#MeToo விவகாரம் உலகம் முழுவதும் பெரும் தாக்கத்தை ஏற்படுத்தியுள்ளது. #MeToo விவகாரத்தில் பலரது முகத்திரை கிழிக்கப்பட்டுள்ளது. இந்த #MeToo விவகாரம் கூகுளையும் விட்டுவைக்கவில்லை.

இதற்கிடையே கடந்த 2016ஆம் ஆண்டு முதல் பாலியல் விவகாரத்தில் சிக்கிய 48 பேரை நீக்கியுள்ளதாக கூகுள் நிறுவனம் சமீபத்தில் தெரிவித்தது. இந்நிலையில் உலகம் முழுவதும் 1,500க்கும் மேற்பட்ட கூகுள் ஊழியர்கள் தங்கள் பணியை துறந்து வெளியேற முடிவு செய்துள்ளதாக நியூயார்க் டைம்ஸ்சில் தகவல் வெளியாகியுள்ளது.

இது குறித்து நியூயார்க் டைம்ஸ் இதழ் வெளியிட்டுள்ள செய்தியில், கூகுளின் வேலையிட கலாச்சாரம், பாலியல் அத்துமீறலை கையாளும் விதம் ஆகியவற்றைக் கருத்தில் கொண்டு 1,500க்கும் மேற்பட்ட ஊழியர்கள் வெளியேற முடிவு செய்துள்ளனர். அவர்களில் பெரும்பாலானோர் பெண்கள் என்பது குறிப்பிடத்தக்கது.

இதுகுறித்து பேசிய கூகுள் யு-டியூப் விளம்பரப்பிரிவு மேலாளர் கிளாரா ஸ்டெப்ளடான், எங்கள் நிறுவனத்தில் ஆண் – பெண் சமநிலை, ஊழியர்களுக்கான மதிப்பு ஆகியவற்றை தீவிரமாக நடைமுறைப்படுத்துவதாக கூறினார்.

முன்னதாக கூகுள் ஊழியர்களுக்கு அந்நிறுவன தலைமை செயல் அதிகாரி சுந்தர் பிச்சை எழுதிய கடிதம் ஒன்றில், பாலியல் அத்துமீறல் சம்பவங்கள் மீது கடும் நடவடிக்கைகள் எடுக்கப்பட்டு வருவதாக கூறியிருந்தார்.

பாலியல் தொந்தரவு பிரச்சனைகள் தொடர்பாக வரும் குற்றச்சாட்டுகள் முறைப்படி விசாரிக்கப்பட்டு உரிய நடவடிக்கை எடுக்கப்படும் என்று குறிப்பிட்டிருந்தார்.

இதையடுத்து கூகுள் நிறுவனத்தில் போராட்டத்தில் ஈடுபட்ட 94,000 ஊழியர்களை சமாதானப்படுத்தும் முயற்சியில் பிச்சை மற்றும் லாரி பேஜ் ஆகியோர் ஈடுபட்டனர்.

நியூயார்க் டைம்ஸ் இதழ் வெளியிட்டுள்ள செய்தியின் படி, கூகுள் நிறுவனத்தைச் சேர்ந்த பெண் ஊழியர் ஒருவர், ஆண்ட்ராய்டு செயலியை உருவாக்கிய ஆண்டி ரூபின் மீது பாலியல் புகார் தெரிவித்துள்ளார்.

அதன்பேரில் ரூபினை வெளியேறுமாறு தலைமை அதிகாரி பேஜ் கேட்டுக் கொண்டுள்ளார். இருப்பினும் தான் எந்தவித பாலியல் பிரச்சனைகளிலும் சிக்கவில்லை என்றும், சொந்த விருப்பத்தின் பேரிலேயே கூகுள் நிறுவனத்தில் இருந்து விலகுவதாக ரூபின் தெரிவித்திருந்தது குறிப்பிடத்தக்கது.

[orc]

LEAVE A REPLY

Please enter your comment!
Please enter your name here