8 வழிச்சாலை திட்டம் ; சேலம் மாவட்ட ஆட்சியர் அலுவலகத்தில் மக்களிடம் கருத்துக் கேட்புக் கூட்டம்

0
262
Image used for representational purpose

8 வழிச்சாலை திட்டம் தொடர்பாக சேலம் மாவட்ட ஆட்சியர் அலுவலகத்தில் மக்களிடம் கருத்துக் கேட்புக் கூட்டம் நடைபெற்று வருகிறது.

சேலம் முதல் சென்னை வரை 10 ஆயிரம் கோடி ரூபாய் மதிப்பில் மத்திய அரசின் நிதியின்கீழ் எட்டு வழிச்சாலை அமைக்க தமிழக முதலமைச்சர் எடப்பாடி பழனிசாமி அறிவிப்பு வெளியிட்டார்.

சேலம், தருமபுரி, திருவண்ணாமலை, காஞ்சிபுரம் உள்ளிட்ட மாவட்டங்கள் வழியாக 274 கிலோமீட்டர் நீளத்துக்கு அமைக்கப்படவுள்ள இந்த சாலைக்காக 20 ஆயிரம் ஏக்கர் விவசாய நிலங்கள் மற்றும் குடியிருப்புப் பகுதிகள் கையகப்படுத்தப்பட உள்ளன. இந்த சாலை அமைக்கப்பட உள்ள இடங்களில் பொதுமக்கள் எதிர்ப்பு தெரிவித்து வருகின்றனர்.

இந்நிலையில் இந்த திட்டம் தொடர்பாக சேலம் மாவட்ட ஆட்சியர் அலுவலகத்தில் கிராம மக்களிடம் அதிகாரிகள் கருத்துக்களை கேட்டு வருகின்றனர். மக்கள் தங்கள் கருத்துக்களை மனுக்களாக அதிகாரிகளிடம் கொடுத்துச் செல்கின்றனர்.

இந்தக் கருத்துக் கேட்பு நிகழ்ச்சி மாலை வரை நடைபெறும் என்று தெரிவிக்கப்பட்டுள்ளது. மக்களின் கருத்துக்கள் தொடர்பாக அதிகாரிகளின் ஆலோசனைக் கூட்டம் நடைபெறும் என்றும் பின்னர் மீண்டும் அதிகாரிகள் மக்களை சந்திப்பார்கள் என்றும் கூறப்படுகிறது.

கருத்துகள் இல்லை

ஒரு பதிலை விடவும்