இன்று சட்டப்பேரவையில் உணவுத்துறை அமைச்சர் காமராஜ் ”ரேசன் கடைகளில் 3 மாதம் பொருட்கள் வாங்கவில்லை என்றால் ரேசன் கார்டு ரத்துசெய்யப்படாது” என தெரிவித்துள்ளார்.

மத்திய அமைச்சர் ராம்விலாஸ் பாஸ்வானின் சமீபத்திய அறிக்கையில் 3 மாதங்கள் தொடர்ந்து ரேசன் கடைகளில் பொருட்கள் வாங்கவில்லை என்றால் ரேசன் கார்டுகள் ரத்து செய்யப்பட வேண்டும் என்று கூறியிருந்தார். இந்த அறிவிப்பை தமிழக அரசு பின்பற்ற கூடாது என திமுக எம்.எல்.ஏ., மா.சுப்பிரமணியன் பேரவையில் கோரிக்கை விடுத்தார்.

இதற்கு பதில் அளித்த உணவுத்துறை அமைச்சர் காமராஜ், 3 மாதம் தொடர்ச்சியாக ரேசன் கடைகளில் பொருட்கள் வாங்கவில்லை என்றால் கார்டு ரத்து செய்ய வேண்டும் என்பது மத்திய அமைச்சரின் அறிவுரைதான் என்றும், அரசின் கொள்கை முடிவு அல்ல என்றும் கூறினார்.
வருங்காலங்களிலும் தமிழகத்தில் 4, 5 மாதங்கள் வரை ரேசன் கடைகளில் உணவு தானியங்கள் வாங்காமல் இருந்தாலும், சம்மந்தப்பட்ட நபர்கள் அந்தந்த பகுதியில் வசிப்பதை உறுதி செய்யும் பட்சத்தில் அவர்களுக்கு மீண்டும் ரேசன் பொருட்கள் வழங்கப்படும் என்றும் அந்த முறையே தொடரும் என்றும், மத்திய அமைச்சரின் அறிவுரை அமல்படுத்தப்படமாட்டாது என்றும் அமைச்சர் காமராஜ் விளக்கம் அளித்தார்.

இதையும் படியுங்கள்

பீகார் சட்டசபையில் என்ஆர்சிக்கு எதிராக ஒருமனதாக தீர்மானம் நிறைவேற்றம் செய்யப்பட்டுள்ளது. பீகார் சட்டசபையில் பட்ஜெட் கூட்டத்தொடர் நடந்து வருகிறது. பட்ஜெட் தொடரில் இரண்டாவது நாளான இன்று , பீகார் மாநிலத்தில் தேசிய குடிமக்களின் பதிவேட்டை (என்.ஆர்.சி) செயல்படுத்தக்கூடாது என்று சட்டசபையில் தீர்மானத்தை நிறைவேற்றியது. தேசிய மக்கள்தொகை பதிவேட்டை...
டெல்லியில் ஏற்பட்ட வன்முறையில் NDTV செய்தியாளர்கள் 3 பேர், கேமரா மேன் ஒருவர் ஆகியோர் மீது வன்முறைக் கும்பல் தாக்குதல் நடத்தியுள்ளது. இந்த சம்பவம் நடந்தபோது போலீசார் யாரும் அங்கே இல்லை எனத் தகவல்கள் தெரிவிக்கின்றன.  NDTV செய்தியாளர் அரவிந்த் குணசேகரை வன்முறைக் கும்பல் சூழ்ந்துகொண்டு தாக்குதல் நடத்தியது. அவரை சக செய்தியாளரான சவுரப் சுக்லா மீட்க முயன்றபோது வன்முறை கும்பல் தடியால் கடுமையாகத் தாக்கியது. 
ஞாயிற்றுக்கிழமை, ஜாஃப்ராபாத் போராட்ட தளத்திலிருந்து இரண்டு கிலோமீட்டர் அருகில் இருக்கும்  மஜ்பூர்-பாபர்பூர் மெட்ரோ நிலையத்திற்கு அருகே சிஏஏ ஆதரித்து மக்கள்  போராட்டம் நடத்தினர். இந்த போராட்டத்தில் கலந்து கொண்ட   டெல்லி பாஜக தலைவர்களில் ஒருவரான கபில் மிஸ்ரா, இன்னும் மூன்று நாட்களில் ஜாஃப்ராபாத் போராட்ட தளத்தை காவல் துறை அப்புறப்படுத்தவேண்டும். இல்லையேல்,...
இந்திய தொழிலதிபர்கள் அமெரிக்காவில் முதலீடு செய்ய வாருங்கள் என்று அமெரிக்க அதிபர் டொனால்ட் டிரம்ப் அழைப்பு விடுத்துள்ளார். டெல்லியில் உள்ள அமெரிக்க தூதரகத்தில் இந்திய தொழிலதிபர்கள் பங்கேற்ற கூட்டத்தில் டொனால்ட் டிரம்ப் உரையாற்றி வருகிறார். இந்த கூட்டத்தில் முகேஷ் அம்பானி, கவுதம் அதானி உள்ளிட்டோர் பங்கேற்றுள்ளனர்.
வடகிழக்கு டெல்லியில் உள்ள ஜாஃப்ராபாத் மெட்ரோ நிலையத்திற்கு அருகே உள்ள சாலையில் கடந்த சனிக்கிழமை முதல் 500-க்கும் மேற்பட்ட பெண்கள் குடியுரிமை திருத்தம் சட்டத்திற்கு எதிரான தங்கள் போராட்டத்தை தொடர்ந்தனர். இதனால், சீலம்பூர் மற்றும் மஜ்பூர், யமுனா விஹார் இடையிலான 66-வது சாலைப் போக்குவரத்து முற்றிலும் துண்டிக்கப்பட்டது.
ஐசிசி மகளிர் டி20 உலகக் கோப்பை போட்டிகள் ஆஸ்திரேலியாவில் தற்போது நடைபெற்று வருகின்றன. கடந்த ஞாயிறன்று நடைபெற்ற இதன் லீக் சுற்றுப் போட்டியில் தென்னாப்பிரிக்கா - இங்கிலாந்து அணிகள் மோதின. இந்தப் போட்டியில் முதலில் விளையாடிய இங்கிலாந்து அணி 8 விக்கெட் இழப்பிற்கு 123 ரன்கள் எடுத்தது.இதையடுத்து 124 ரன்கள் எடுத்தால்...

LEAVE A REPLY

Please enter your comment!
Please enter your name here