மக்களவைத் தேர்தலில் திமுக போட்டியிடும் 20 தொகுதிகளின் விவரங்கள் வெளியிடப்பட்டுள்ளன.

மக்களவைத் தேர்தலில் தமிழகத்தில் திமுக தலைமையிலான கூட்டணியில் காங்கிரஸ், மார்க்சிஸ்ட், இந்திய கம்யூனிஸ்ட், விடுதலைச் சிறுத்தைகள், மதிமுக, இந்திய யூனியன் முஸ்லிம் லீக், கொங்குநாடு மக்கள் தேசிய கட்சி, இந்திய ஜனநாயகக் கட்சி ஆகியன இடம்பெற்றுள்ளன.

அதில், காங்கிரஸ் கட்சிக்கு புதுச்சேரி உள்பட 10 மக்களவைத் தொகுதிகளும், மார்க்சிஸ்ட், இந்திய கம்யூனிஸ்ட், விடுதலைச் சிறுத்தைகள் கட்சிகளுக்கு தலா 2 தொகுதிகளும், மதிமுக, முஸ்லிம் லீக், கொங்கு நாடு மக்கள் தேசிய கட்சி, இந்திய ஜனநாயகக் கட்சி ஆகியவற்றுக்கு தலா ஒரு தொகுதியும் ஒதுக்கப்பட்டுள்ளன.

மதிமுகவுக்கு ஒரு மாநிலங்களவை தொகுதியும் ஒதுக்கப்பட்டுள்ளது. மீதமுள்ள 20 தொகுதிகளில் திமுக நேரடியாக போட்டியிடுகிறது. இந்நிலையில் மக்களவைத் தேர்தலில் திமுக போட்டியிடும் 20 தொகுதிகளின் விவரங்கள் வெளியிடப்பட்டுள்ளன. இதனை அக்கட்சியின் தலைவர் மு.க.ஸ்டாலின் சென்னையில் இன்று வெளியிட்டார்.

திமுக போட்டியிடும் தொகுதிகள்
1. சென்னை வடக்கு
2. சென்னை தெற்கு
3. மத்திய சென்னை
4. ஸ்ரீபெரும்புதூர்
5. காஞ்சிபுரம் (தனி)
6. அரக்கோணம்
7. வேலூர்
8. தர்மபுரி
9. திருவண்ணாமலை
10. கள்ளக்குறிச்சி
11. சேலம்
12. நீலகிரி (தனி)
13. பொள்ளாச்சி
14. திண்டுக்கல்
15. கடலூர்
16. மயிலாடுதுறை
17. தஞ்சாவூர்
18. தூத்துக்குடி
19. தென்காசி (தனி)
20. திருநெல்வேலி

மக்களவைத் தேர்தலில் திமுக தலைமையில் போட்டியிடும் கூட்டணிக் கட்சிகள் எந்தெந்த தொகுதிகளில் போட்டியிடுகின்றன என்ற விவரம் வெளியிடப்பட்டுள்ளது.

காங்கிரஸ் போட்டியிடும் 10 தொகுதிகளின் விவரங்கள்:
1. திருவள்ளூர்
2. சிவகங்கை
3. தேனி
4. விருதுநகர்
5. கன்னியாகுமரி
6. புதுச்சேரி
7. திருச்சி
8. ஆரணி
9. கரூர்
10. கிருஷ்ணகிரி

விடுதலைச் சிறுத்தைகள்
1. விழுப்புரம்
2. சிதம்பரம்

இந்திய கம்யூனிஸ்ட்
1. திருப்பூர்
2. நாகை

மார்க்சிஸ்ட் கம்யூனிஸ்ட்
1.கோவை
2. மதுரை

மதிமுக
1. ஈரோடு

இந்திய ஜனநாயகக் கட்சி
1. பெரம்பலூர்

கொங்கு நாடு மக்கள் தேசிய கட்சி
1. நாமக்கல்

முஸ்லிம் லீக்
1. ராமநாதபுரம்

என மக்களவைத் தேர்தலில் 40 தொகுதிகளிலும் எந்தெந்த கட்சிகள் போட்டியிடுகின்றன என்பதை மு.க. ஸ்டாலின் இன்று அறிவித்துள்ளார்.

LEAVE A REPLY

Please enter your comment!
Please enter your name here