அருண் விஜய்யின் சினம் போஸ்டர் வெளியீடு

0
83

அருண் விஜய் நடிப்பில் உருவாகி வரும் சினம் படத்தின் ஃபர்ஸ்ட் லுக் போஸ்டர் வெளியாகியுள்ளது.

முறை மாப்பிள்ளை படத்தின் மூலம் அறிமுகமான நடிகர் அருண் விஜய் இன்று தனது 42 ஆவது பிறந்தநாளை கொண்டாடுகிறார். இதனை முன்னிட்டு அவரது ரசிகர்கள் ட்விட்டரில் வாழ்த்து தெரிவித்து வருகின்றனர். 

அருண் விஜய்க்கு டிரீட் கொடுக்கும் வகையில் சினம் படத்தின் ஃபர்ஸ்ட் லுக் போஸ்டர் வெளியாகியுள்ளது. இதனை அவரே தனது இன்ஸ்டாகிராம் பக்கத்தில் வெளியிட்டுள்ளார். இந்தப் போஸ்டரில், போலீஸ் கெட்டப்பில் இருப்பது போன்றும், அவரது ஒரு பக்கம் மட்டும் தெரிவது போன்றும் காட்டப்பட்டுள்ளது.

இந்தப் போஸ்டரை அவரது ரசிகர்கள் கொண்டாடி வருகின்றனர். தொடர்ந்து போலீஸ் கதாபாத்திரங்களை தேர்வு செய்து அருண் விஜய் நடித்து வருகிறார். அதற்கு ஏற்றவாறு தனது உடலையும் ஃபிட்டாக கொண்டு வருகிறார். இப்படத்தை ஜி.என்.ஆர். குமாரவேலன் இயக்குகிறார். அருண் விஜய்க்கு ஜோடியாக பாலக் லால்வானி நடிக்க சபீர் இசையமைக்கிறார்.

இப்படத்தைத் தொடர்ந்து, துருவங்கள் பதினாறு பட இயக்குநர் கார்த்திக் நரேன் இயக்கத்தில் ‘மாஃபியா’ என்ற படத்தில் அருண் விஜய் நடித்துள்ளார். அதில் பிரசன்னா, ப்ரியா பவானி சங்கர் ஆகியோர் முக்கிய கதாபாத்திரங்களில் நடித்துள்ளனர். சமீபத்தில் மாஃபியா படத்தின் டீஸர் வெளியாகி ரசிகர்கள் மத்தியில் பெரும் வரவேற்பைப் பெற்றிருந்தது குறிப்பிடத்தக்கது.

LEAVE A REPLY

Please enter your comment!
Please enter your name here