முஸ்லிம் பெண்களை இந்து ஆண்கள் கூட்டு பாலியல் வன்கொடுமை செய்ய வேண்டும் என்ற பாஜக மகிளா மோர்ச்சா தலைவர்; நடவடிக்கை எடுத்த தலைமை

Sunita Singh Gaur said Muslim mothers and sisters should have their "honour looted" as there is "no other way" to "protect India".

0
1178
Courtesy : TheWire.in

 முஸ்லிம் தாய்மார்களின் , சகோதரிகளின்  மரியாதையை சீர்குலைத்தால் தான் இந்தியாவை காக்க முடியும் என்று பாஜக மகிளா மோர்ச்சா தலைவர் சுனிதா சிங் கவுர் கூறியுள்ளார். 

உத்தர பிரதேசம், ராம்கோலா பாஜக மகிளா மோர்ச்சா தலைவர் சுனிதா சிங் கவுர் தனது ஃபேஸ்புக் பக்கத்தில் இந்து ஆண்கள் முஸ்லிம் வீடுகளுக்குள் நுழைந்து தாய்மார்களையும், சகோதரிகளையும் கூட்டு பாலியல் வன்கொடுமை செய்ய வேண்டும் என்று பதிவிட்டிருந்தார். இதனைத் தொடர்ந்து அவர் கட்சியிலிருந்து வெளியேற்றப்பட்டார்  என்று செய்திகள் தெரிவிக்கின்றன. 

முஸ்லிம்களுக்கு ஒரே ஒரு தீர்வுதான். இந்து ஆண்கள் 10 பேர் சேர்ந்து முஸ்லிம் தாய்மார்களையும், சகோதரிகளையும் கூட்டு பாலியல் வன்கொடுமை செய்து , அவர்களை மற்றவர்கள் பார்க்கும்படி நடுத் தெருக்களில் கட்டித் தொங்கவிட வேண்டும் என்று ஹிந்தியில் தனது ஃபேஸ்புக் பக்கத்தில் பதிவிட்டிருந்தார்  பாஜக மகிளா மோர்ச்சா தலைவர் சுனிதா சிங் கவுர்.  

அவ்வாறு செய்தால்தான் இந்தியாவைக் காக்க முடியும் என்றும் பதிவிட்டிருந்தார். இந்தப் பதிவு கடும் எதிர்ப்புகளை பெற்றதால் அவர் தனது ஃபேஸ்புக் பக்கத்திலிருந்து அந்தப் பதிவை நீக்கிவிட்டிருக்கிறார்.   

ராம்கோலா பாஜக மகிளா மோர்ச்சா தலைவர் சுனிதா சிங் கவுர் கட்சியிலிருந்து வெளியேற்றப்பட்டார் என்று பாஜக மகிளா மோர்ச்சா இந்திய தலைவர் விஜயா ராகத்கர்  தனது டிவிட்டர் பக்கத்தில் தெரிவித்துள்ளார். 

விஜயா ராகத்கர் டிவீட் செய்வதற்கு முன் ஜூன் 27 ஆம் தேதி சுனிதா சிங் கவுர் தனது சர்ச்சையான கருத்தை ஃபேஸ்புக்கிலிருந்து நீக்கியுள்ளார். 

பாஜகத் தலைவர்கள் இண்டெர்நெட்டிலும், வேறு தளங்களிலும் இவ்வாறு வெறுப்பு பிரச்சாரங்களை செய்வது  புதிதல்ல. ஆனால் கொடூரமான பாலியல் வன்முறையை செய்யத் தூண்டிய பாஜக மகிளா மோர்ச்சா தலைவரின் பேச்சு சமூக ஊடகங்களில் பலரை அதிர்ச்சிக்கு உள்ளாக்கியது . 

thewire.in