இடியாப்பத்தில் முட்டை சேர்த்து மசாலா இடியாப்பம் செய்து சாப்பிடலாம். சுவையும் சத்தும் நிறைந்த முட்டை இடியாப்பம் செய்வது என்று தெரிந்து கொள்வோம்.

தேவையான பொருட்கள் :

இடியாப்பம் (உதிர்த்தது) – 2 கப்,
முட்டை – 3,
சின்ன வெங்காயம் – 50 கிராம்,
நாட்டு தக்காளி – 3,
பூண்டு – 6 பல்,
மிளகாய்தூள் – ஒரு டீஸ்பூன்,
உப்பு – அரை டீஸ்பூன்,
எண்ணெய் – தேவையான அளவு.

செய்முறை :

ஒரு பாத்திரத்தில் துளி உப்பு போட்டு, அதோடு முட்டையை உடைத்து ஊற்றி நன்கு அடித்து வைத்துக்கொண்டு, கனமான அடையாக ஊற்றி, சின்னச் சின்ன துண்டுகளாக நறுக்கி வைத்துக்கொள்ளுங்கள்.

தக்காளி, வெங்காயம், பூண்டு, மிளகாய்தூள் (விரும்பினால் கால் டீஸ்பூன் கரம் மசாலாதூள் சேர்த்து), எல்லாவற்றையும் மிக்ஸியில் நைஸாக அரைத்துக்கொள்ளுங்கள்.

வாணலியில் எண்ணெயை ஊற்றி, அரைத்த மசாலாவை அதில் போட்டு நன்கு வதக்குங்கள்.

நன்கு எண்ணெய் கசிந்து வரும்போது, உதிர்த்த இடியாப்பத்தையும் நறுக்கிய முட்டை துண்டுகளையும் போட்டு, கிளறி இறக்குங்கள்.

தற்போது சூப்பரான முட்டை இடியாப்பம் ரெடி.

கருத்துகள் இல்லை

ஒரு பதிலை விடவும்