பொருளாதார வளர்ச்சியில் ஏற்பட்ட மந்தநிலை, ரூபாய் மதிப்பு சரிவு மற்றும் சர்வதேச அம்சங்களால் இந்தியாவில் சவரன் ரூ.30 ஆயிரத்தை தாண்டி புதிய உச்சத்தை எட்டியது. இதேபோல் வெள்ளி விலையும் கணிசமாக உயர்ந்தது. அதன்பின்னர், தங்கத்தின் விலை படிப்படியாக குறையத் தொடங்கியது.

நேற்று(செவ்வாய்க்கிழமை) மாலை நிலவரப்படி சென்னையில் ஆபரண தங்கம் ஒரு சவரன் தங்கம் ரூ.28 ஆயிரத்து 448 என்ற நிலையில் சரிந்திருந்தது. ஒரு கிராம் 3556 ரூபாயாக குறைந்திருந்தது.

இந்நிலையில் இன்று(புதன்கிழமை) காலை வர்த்தகம் தொடங்கிய போது தங்கம் விலை ஏறுமுகத்தில் சென்றது. சென்னையில் ஆபரண தங்கத்தின் விலை ஒரு சவரனுக்கு 400 ரூபாய் உயர்ந்தது. ஒரு சவரன் ரூ.28,848 என்ற அளவில் விற்பனை ஆனது. கிராமுக்கு 50 ரூபாய் உயர்ந்து, ஒரு கிராம் ரூ.3606-க்கு விற்பனை செய்யப்பட்டது.

இதேபோல் 24 கேரட் தங்கம் ஒரு சவரன் 30 ஆயிரத்தை தாண்டியது. ஒரு சவரன் 30ஆயிரத்து 104 ரூபாய்க்கும், ஒரு கிராம் 3763 ரூபாய்க்கும் விற்பனை ஆனது.

வெள்ளி விலை இன்று காலை நிலவரப்படி கிலோவுக்கு 500 ரூபாய் உயர்ந்து, ஒரு கிலோ வெள்ளி ரூ.48 ஆயிரத்து 200 ஆக இருந்தது. ஒரு கிராம் 48 ரூபாய் 20 காசுகளுக்கு விற்பனை ஆனது.