வோடாஃபோன் ஐடியா, ஏர்டெல் நிறுவனங்கள் செப்டம்பர் மாதத்தில் கணிசமாக வாடிக்கையாளர்களை இழந்துள்ளதாக தொலைத்தொடர்பு ஒழுங்குமுறை ஆணையமான டிராய் தெரிவித்துள்ளது.

வோடாஃபோன் ஐடியா நிறுவனம் கடந்த செப்டம்பர் மாதம் 25 லட்சத்து 70 ஆயிரம் வாடிக்கையாளர்களை இழந்துள்ளது. இதையடுத்து அந்நிறுவன வாடிக்கையாளர்கள் எண்ணிக்கை 37 கோடியே 24 லட்சமாக குறைந்துள்ளது. அதேபோல் 23 லட்சத்து 80 ஆயிரம் வாடிக்கையாளர்களை பார்தி ஏர்டெல் நிறுவனம் இழந்துள்ளது. தற்போது அதன் வாடிக்கையாளர் மொத்த எண்ணிக்கை 32 கோடியே 55 லட்சமாக குறைந்துள்ளது. 

அதே நேரம் ரிலையன்ஸ் ஜியோவின் வாடிக்கையாளர் எண்ணிக்கை 69 லட்சத்து 83 ஆயிரம் அதிகரித்து 35 கோடியே 52 லட்சத்தை எட்டியுள்ளது. பிஎஎஸ்என்எல் நிறுவனத்தின் வாடிக்கையாளர் எண்ணிக்கை 7 லட்சத்து 37 ஆயிரம் அதிகரித்து 11 கோடியே 69 லட்சமாக உள்ளது. செப்டம்பர் மாத சந்தைப் பங்கு நிலவரத்தில் வோடாஃபோன் ஐடியா31.73%, ரிலையன்ஸ் ஜியோ 30.26%, பார்த்தி ஏர்டெல் 27.74% ஆக இருந்தது. பிற நிறுவனங்கள் 10.27% சந்தை பங்கை கொண்டுள்ளன.

LEAVE A REPLY

Please enter your comment!
Please enter your name here