அரியானா முதல்வர் மனோகர் லால் கட்டார், மாநிலத்தில் பெண்களுக்கு எதிரான குற்றங்கள் அதிகரித்து வரும் நிலையில் குற்றங்களை கட்டுப்படுத்த அரசு புதிய யுக்தியை கையாள உள்ளதாகக் கூறினார்.

இதுகுறித்து மேலும் அவர் கூறியதாவது:-

பாலியல் குற்றங்களில் ஈடுபடுவோருக்கு சட்டத்தின் மூலம் குற்றம் நிரூபிக்கப்பட்டால், குற்றவாளிக்கு வாகன உரிமம், துப்பாக்கி உரிமம், வயதானவர்களுக்கான ஓய்வூதியம் மற்றும் மாற்று திறனாளிகளுக்கான ஓய்வூதியம் ரத்து செய்யப்படும்.

நீதிமன்றத்தில் வழக்கின் தீர்ப்பு வரும் வரையில், குற்றம் சாட்டப்பட்டவர்களுக்கு இந்த வசதிகள் அனைத்தும் தற்காலிகமாக நிறுத்தப்படும். வழக்கு விசாரணை முடிவில் குற்றவாளி என நிரூபணமாகி, தண்டனை வழங்கப்பட்டால் எந்த காலத்திலும் இழந்த சலுகைகளை அவர்களால் பெற முடியாது. பெண்களின் பாதுகாப்பை கருத்தில் கொண்டு துவங்கியுள்ள இத்திட்டம் வரும் சுதந்திர தினம் (ஆகஸ்ட் 15) அல்லது ரக்‌ஷா பந்தன் (ஆகஸ்ட் 26) அன்று துவங்கப்படும்.

மேலும் காவல்நிலையத்தில் பெண்களுக்கு எதிரான பாலியல் குற்றம் மற்றும் ஈவ்டீசிங் வழக்குகள் தடையின்றி விசாரிக்கப்படும். விசாரணை அதிகாரிகள் பாலியல் குற்ற வழக்கு விசாரணையை 1 மாதத்திலும் மற்றும் ஈவ்டீசிங் வழக்கு விசாரணையை 15 நாட்களிலும் விரைந்து முடிக்க வேண்டும். ஆறு விரைவு நீதிமன்றங்கள் அமைக்கப்பட்டு நிலுவையில் உள்ள வழக்குகள் விரைந்து முடிக்கப்படும். இது குறித்து பஞ்சாப் மற்றும் அரியானா உயர்நீதிமன்ற நீதிபதிகளை விரைவில் சந்திக்கவுள்ளேன் என்று கூறினார்.

பாலியல் குற்றங்களை விசாரிப்பதற்காக மாநில அரசு வழங்கியதைத் தவிர, மேலும் ஒரு வழக்குரைஞர் நியமிக்க விரும்பினால், அவருக்கு ரூ. 22 ஆயிரம் நிதியுதவி வழங்கப்படும் என்று முதல்வர் கூறினார்.

முன்னதாக, மாநிலத்தில் 9-ஆம் வகுப்பு முதல் 12-ஆம் வகுப்பு வரை உள்ள பள்ளி மாணவிகளுக்கு பாதுகாப்பு பயிற்சி வழங்கும் திட்டத்தை முதல்வர் கட்டார் அறிவித்தார்.

இதையும் படியுங்கள்

கிழக்கு ஆப்கானிஸ்தான் பகுதியில் திங்களன்று விபத்துக்குள்ளான விமானம், தங்களுக்குச் சொந்தமானதுதான் என அமெரிக்க ராணுவம் உறுதி செய்துள்ளது. விபத்து ஏற்பட்டதற்கான காரணம் இன்னும் தெரியவில்லை. மேலும் தங்கள் எதிரிகளால்தான் இந்த விபத்து ஏற்பட்டது என்பதற்கு எந்த தடயமும் இல்லை என அமெரிக்க ராணுவ அதிகாரி கர்னல் சன்னி...
வருமான வரித்துறை நடிகர் ரஜினிகாந்துக்கு எதிரான வழக்கை  திரும்பப் பெற்றதை அடுத்து, வருமான வரித்துறையின் மனுவை தள்ளுபடி செய்து சென்னை உயர்நீதிமன்றம் உத்தரவிட்டுள்ளது. நடிகர் ரஜினிகாந்த் வருமான வரி 2002 முதல் 2005 ஆண்டுகளில் முறையாக செலுத்தவில்லை என கூறி 2002 – 2003 ஆம் நிதியாண்டிற்கு...
சட்டம், ஒழுங்கை கருத்தில் கொண்டு முறையற்ற போராட்டங்கள் மற்றும் அனுமதியற்ற பேரணிகளுக்கு தடை விதிக்க காவல்துறை ஆணையருக்கு அதிகாரம் உள்ளது என சென்னை உயர்நீதிமன்றம் தெரிவித்துள்ளது. குடியுரிமை திருத்த சட்டத்துக்கு எதிர்ப்பு தெரிவித்து போராட்டங்கள் நடந்து வரும் நிலையில், ஜனவரி 13 முதல் 28 வரை அனுமதியின்றி...
மதத்தின் பெயரில் நாட்டை பிளவுபடுத்தக்கூடாது , அவ்வாறு பிளவு ஏற்பட்டால் இந்த நாடு இருக்காது என்று பாஜக எம்எல்ஏ நாராயண் திரிபாதி, குடியுரிமை சட்டத்துக்கு எதிராக பேசி இருக்கிறார். மத்திய பிரதேச பாஜக எம் எல் ஏவான நாராயண் திரிபாதி கூறியதாவது - நான் கிராமத்தில்  இருக்கிறவன் ....
டெல்லி பாபர்பூரில் கடந்த ஞயிற்றுக்கிழமை உள்துறை அமைச்சர் அமித்ஷாவின் பேரணியில் இடையூறு ஏற்படுத்தும் வகையில் 20 வயது இளைஞரான ஹர்ஜித் சிங் குடியுரிமை திருத்தம் சட்டத்திற்கு எதிரான கோஷங்களை எழுப்பினார். அந்த இடத்திலேயே அவர்மீதான வன்முறைகள்  கட்டவிழ்த்து விடப்படிருகின்றன.  இது  குறித்து அவர் ‘தி இந்தியன் எக்ஸ்பிரஸ்’ என்ற...
15-வது நிதிக் குழு பொது சுகாதாரம் பற்றி ஆராய அமைத்த உயர்மட்டக் குழு ஒன்று பொது சுகாதாரம் மற்றும் மருத்துவமனைகளை மாநிலப் பட்டியலில் இருந்து பொதுப் பட்டியலுக்கு மாற்ற வேண்டுமென பரிந்துரைத்திருக்கிறது. தனியார் முதலீட்டையும் ஊக்குவிக்கச் சொல்கிறது. இதன் விளைவுகள் என்னவாக இருக்கும்? பதினைந்தாவது நிதிக் குழு...

LEAVE A REPLY

Please enter your comment!
Please enter your name here