தமிழகத்தில் 5 மாவட்டங்களில் வெள்ளத் தடுப்பு பணிகளை மேற்கொள்ள அரசு ரூ.111.46 கோடி நிதி ஒதுக்கீடு செய்து அரசாணை வெளியிட்டுள்ளது. சென்னை, காஞ்சி, செங்கல்பட்டு, திருவள்ளூர், கடலூர், மாவட்டங்களில் வெள்ளத்தடுப்பு பணிகளை மேற்கொள்ள அரசு திட்டமிட்டுள்ளது. தமிழகத்தில் கனமழை மற்றும் வெள்ளபாதிப்புகளை தடுக்க தமிழக அரசு பல்வேறு முன்னெச்சரிக்கை நடவடிக்கைகளை எடுத்து வருகிறது. ஆறுகள், ஏறி குளங்கள் என அணைத்து தூர்வாரப்பட்டு வருகிறது. தற்போது பெய்த கனமழையால் மேலும் பாதிக்கப்பட்ட பகுதிகளில் வெள்ள தடுப்பு பணிகளையும் தமிழக அரசு மேற்கொண்டுள்ளது.

இந்நிலையில், சென்னை, காஞ்சிபுரம், செங்கல்பட்டு, திருவள்ளூர் ஆகிய மாவட்டங்களில் வெள்ள பாதிப்பு அதிகம் ஏற்படும் பகுதிகளில் நிரந்தர வெள்ள தடுப்பு பணிகள் மேற்கொள்வதற்காக ரு.111.46 கோடியை  தமிழக அரசு ஒதுக்கி அரசாணை பிறப்பித்துள்ளது. இதுகுறித்து தமிழக அரசு பிறப்பித்துள்ள அந்த அரசாணையில், ‘பேரிடர் மேலாண்மை – பொதுத்துறை (நீர்வளத் துறை) நீண்டகால வெள்ளத் தணிப்பு பணிகள் மூலம் சென்னை, காஞ்சீபுரம், செங்கல்பட்டு, திருவள்ளூர், கடலூர் ஆகிய மாவட்டங்களில் மிகவும் பாதிக்கப்படக்கூடிய பகுதிகளில் நீண்ட கால வெள்ளத் தணிப்புப் பணிகளை மேற்கொள்வதற்கான பணிகளுக்கு ரூ .111.46 கோடி அனுமதி மற்றும் ஆணைகள் வழங்கப்பட்டன.’ என்று தெரிவிக்கப்பட்டுள்ளது.

LEAVE A REPLY

Please enter your comment!
Please enter your name here