சென்னையில் 22 கேரட் ஆபரணத் தங்கத்தின் விலை சவரனுக்கு ரூபாய் 104 குறைந்து ரூபாய் 33,656க்கு விற்பனை செய்யப்படுகிறது. சென்னையில் 22 கேரட் ஆபரணத் தங்கத்தின் விலை கிராமிற்கு ரூபாய் 13 குறைந்து ரூபாய் 4,207க்கு விற்பனையாகிறது. சென்னையில் வெள்ளியின் விலை கிராமுக்கு 10 காசுகள் உயர்ந்து ரூபாய் 50.50க்கு விற்பனை செய்யப்பட்டு வருகிறது. தங்கம் விலை நேற்று  வெள்ளிக்கிழமை (மார்ச் 6)  அதிரடியாக சவரனுக்கு 784 அதிகரித்தது. ஒரு  சவரன் 34 ஆயிரத்தை நெருங்கி வருவதால் நகை வாங்குவோர் கடும் அதிர்ச்சிக்குள்ளாகி உள்ளனர்.   

சவரன் ரூ.34,000ஐ நெருங்குகிறது

*தங்கம்  விலை இந்தாண்டு தொடக்கத்தில் இருந்து அதிகரித்து வந்தது. அதன் பிறகு  பிப்ரவரி மாதத்தில் நாளுக்கு நாள் விலை ஏற்றம் என்ற அளவில் தங்கம் விலை  உயர்ந்தது.

*விலை உயர்வு என்பது தினந்தோறும் வரலாற்று சாதனை என்ற அளவில்  இருந்தது. இந்நிலையில் யாரும் எதிர்பார்க்காத வகையில் கடந்த 21ம்  தேதி ஒரு கிராம் தங்கம் 4 ஆயிரத்தை தாண்டியது.

*அதாவது, அன்றைய தினம் ஒரு  கிராம் 4051 (சவரன் 32,408), 22ம் தேதி ஒரு சவரன் ₹32576க்கும்  விற்கப்பட்டது. 24ம் தேதி ஒரு சவரன் 33,328க்கு விற்கப்பட்டது. இதுவே  தங்கம் விலை வரலாற்றில் அதிகபட்ச விலை என்ற சாதனையை படைத்தது.

*தொடர்ந்து  25ம் தேதி சவரன் 32,736, 26ம் தேதி 32,640, 27ம் தேதி 32,512, 28ம் தேதி  32,512க்கும், 29ம் தேதி 31,888க்கும் தங்கம் விற்பனையானது.

*தொடர்ந்து,  மார்ச் 2ம் தேதி 32,040, 3ம் தேதி 32,300, 4ம் தேதி 33,024க்கும் ஒரு  சவரன் விற்கப்பட்டது. நேற்று முன்தினம் ஒரு கிராம் 4,122க்கும், சவரன்  32,976க்கும் விற்கப்பட்டது. இந்நிலையில் நேற்று தங்கம் விலை மேலும்  அதிரடியாக உயர்ந்தது.

*அதாவது, கிராமுக்கு ₹98 அதிகரித்து ஒரு கிராம்  4,220க்கும், சவரன் 784 அதிகரித்து ஒரு சவரன் 33,760க்கும்  விற்கப்பட்டது. இது தங்கம் விலை வரலாற்றில் அதிகபட்ச விலையாகும் என்ற புதிய  சாதனையை படைத்தது.  வெள்ளிக்கிழமை நேற்று காலையில் சவரன் 872 அதிகரித்து ஒரு  சவரன் 33,848க்கு விற்கப்பட்டது என்பது குறிப்பிடத்தக்கது.

*வெள்ளிக்கிழமை (மார்ச் 6)  நேற்று மாலை  நிலவரப்படி தொடர்ச்சியாக 6 நாட்களில் மட்டும் சவரன் 1,872 அளவுக்கு  உயர்ந்துள்ளது. இந்த விலை ஏற்றம் நகை வாங்குவோரை கடும் அதிர்ச்சியில்  ஆழ்த்தியுள்ளது. சவரன் 34 ஆயிரத்தை நெருங்கி வருவது விசேஷ தினங்களுக்காக  நகை வாங்க காத்திருப்பவர்களுக்கு மேலும் சுமையை ஏற்படுத்தியுள்ளது.  

*ஏற்கனவே, நகை வாங்க சிறுக, சிறுக சேர்த்த பணத்தில், விலையேற்றத்தால்  கூடுதல் சுமை ஏற்பட்டுள்ளதாக அவர்கள் குற்றம் சாட்டியுள்ளனர்.

பொருளாதார மந்தநிலை, கொரோனா, ரூபாய் சரிவு காரணம்

2 நாட்களுக்கு முன்னர் அமெரிக்க  மத்திய கூட்டுறவு வங்கிக்கான வைப்பு நிதிக்கான வட்டி விகிதம் புள்ளி 5  சதவீதம் குறைத்தார்கள். அதனால், வைப்பு நிதியில் முதலீடு செய்திருக்கும்  முதலீட்டாளர்கள், வைப்பு நிதியில் இருந்து முதலீட்டை எடுத்து தங்கமாக  மாற்றி வருகிறார்கள். பொருளாதார மந்தநிலை, கொரோனா வைரஸ் தாக்குதலும் விலை உயர காரணம். பங்கு சந்தையில் முதலீட்டாளர்கள் முதலீடு  செய்யாமல் தொடர்ந்து தங்கத்தின் மீது முதலீடு செய்ய தொடங்கியுள்ளனர்.  அமெரிக்க  டாலருக்கு நிகரான இந்திய ரூபாயின் மதிப்பு பெருமளவில் வீழ்ச்சியை நோக்கி  சென்று கொண்டிருக்கிறது. இதுபோன்ற காரணங்களால் தொடர்ந்து தங்கம் விலை  உயர்ந்து வருகிறது.இந்நிலையில் சற்று எதிர்ப்பார்க்காத வண்ணம் ஆபரணத் தங்கத்தின் விலை சவரனுக்கு ரூபாய் 104 குறைந்து ரூபாய் 33,656க்கு விற்பனை செய்யப்படுகிறது.

LEAVE A REPLY

Please enter your comment!
Please enter your name here