ஜியோமி நிறுவனம் தனது புதிய ஸ்மார்ட் டி.வி. மாடல்களை இந்தியாவில் அறிமுகம் செய்தது. சமீபத்தில் ஜியோமி நிறுவனம் தனது Mi டி.வி 4ஏ 32 இன்ச் மற்றும் Mi டி.வி, 4சி 32 ப்ரோ மாடல்களின் விலையை குறைத்தது.

இதைத் தொடர்ந்து அந்நிறுவனம் Mi எல்.இ.டி, டி.வி. 4X ப்ரோ 55 இன்ச் மற்றும் Mi எல்.இ.டி, டி.வி. 4ஏ ப்ரோ 43 இன்ச் மாடல்களை அறிமுகம் செய்துள்ளது.

ஜியோமி Mi எல்.இ.டி, டி.வி 4X ப்ரோ 55 இன்ச் :

ஜியோமி Mi எல்.இ.டி, டி.வி 4X ப்ரோ 55 இன்ச் மாடலில் 4K UHD, HDR 10 பிட், 4840×2160 பிக்சல் டிஸ்பிளே கொண்டிருக்கிறது. இந்த டி.வியில் 1.5 ஜிகாஹெர்ட்ஸ் குவாட்கோர் ARM கார்டெக்ஸ் ஏ53 பிராசஸர் மற்றும் மாலி 450 GPU வழங்கப்பட்டுள்ளது.

அழகிய வடிவமைப்பு மற்றும் தலைசிறந்த யு.ஐ கொண்டிருக்கும் Mi எல்.இ.டி, டி.வி 4X ப்ரோ 55 இன்ச் மாடலில் சிறப்பான அனுபவம் கிடைக்கும். மெட்டாலிக் கிரே வடிவமைப்புடன் 11 எம்.எம். அளவில் மெல்லிய பெசல்களை கொண்டிருக்கிறது.

இதில் ஆடியோ லாஸ்லெஸ் FLAC ஆடியோ ஃபார்மேட் வழங்கப்பட்டுள்ளது. இத்துடன் 12 பட்டன்களை கொண்ட Mi ரிமோட், ப்ளூடுத், பிரத்யேக வாய்ஸ் பட்டன் கொண்டு டி.வி. மற்றும் செட் டாப் பாக்ஸ்களில் சேனல்களை மாற்றிக் கொள்ளலாம்.

ஆண்ட்ராய்டு 8.1 ஓரியோ சார்ந்த டி.வி ஓ.எஸ் மற்றும் பேட்ச் வால் ஓ.எஸ் கொண்டு இயங்குகிறது. டைனமிக் பேக்கிரவுண்டு மற்றும் ஸ்கிரீன் ஆஃப் உள்ளிட்ட வசதிகள் வழங்கப்பட்டுள்ளது. இத்துடன் இன்பில்ட் பிளே ஸ்டோர், க்ரோம்காஸ்ட் மற்றும் யூடியூப் உள்ளிட்டவையும் இடம்பெற்றிருக்கிறது.

சியோமி Mi எல்.இ.டி, டி.வி 4ஏ ப்ரோ 43 இன்ச் :

இந்த டி.வியில் ஃபிளாக்ஷிப் குவாட் கோர் 64 பிட் அம்லாஜிக் சிப்செட், 1 ஜி.பி ரேம், 8 ஜி.பி மெமரி வழங்கப்பட்டுள்ளது. 3 HDMI போர்ட்கள், 3 யு.எஸ்.பி போர்ட், ஏ/வி, வைபை, ஈத்தர்நெட் மற்றும் பல்வேறு வசதிகள் வழங்கப்பட்டுள்ளன.

துல்லியமான ஒலிக்கு 20 வாட் ஸ்பீக்கர்கள் மற்றும் DTS கோடெக் வசதி கொடுக்கப்பட்டிருக்கிறது. இந்த டி.வியிலும் இன்பில்ட் பிளே ஸ்டோர், க்ரோம்காஸ்ட் மற்றும் யூடியூப் உள்ளிட்டவையும் வழங்கப்பட்டிருக்கின்றன.

விலை மற்றும் விற்பனை விபரங்கள் :

ஜியோமி Mi எல்.இ.டி, டி.வி 4X ப்ரோ 55 இன்ச் மாடலின் விலை இந்தியாவில் ரூ.39,999 என நிர்ணயம் செய்யப்பட்டுள்ளது.

ஜியோமி Mi எல்.இ.டி, டி.வி 4ஏ ப்ரோ 43 இன்ச் மாடலின் விலை ரூ.22,999 என நிர்ணயம் செய்யப்பட்டுள்ளது.

புதிய ஸ்மார்ட் டி.வி. மாடல்கள் ஜனவரி 15 ஆம் தேதி மதியம் 12.00 மணிக்கு விற்பனை செய்யப்படுகிறது.

LEAVE A REPLY

Please enter your comment!
Please enter your name here