Jaguar-F-Type-400-Sport-03-850x418

2018 ஜாகுவார் எஃப் டைப் கார், புதிய 2.0 லிட்டர் இன்ஜெனியம் பெட்ரோல் எஞ்சினுடன் இந்தியாவில் விற்பனைக்கு அறிமுகம் செய்யப்பட்டு இருக்கிறது.

இந்த புதிய மாடல் பற்றி விரிவாகப் பார்க்கலாம்.

ஜாகுவார் எஃப் டைப் ஸ்போர்ட்ஸ் கார் மாடலானது இந்தியாவில் 3.0 லிட்டர் சூப்பர்சார்ஜ்டு வி6 எஞ்சின் கொண்ட மாடலிலும், 5.0 லிட்டர் சூப்பர்சார்ஜ்டு வி8 எஞ்சின் கொண்ட மாடலிலும் கிடைக்கிறது.

Jaguar-F-Type-400-Sport-04-850x548

தற்போது 2.0 லிட்டர் இன்ஜெனியம் பெட்ரோல் எஞ்சின் பொருத்தப்பட்ட 2018 ஜாகுவார் எஃப் டைப் கார் இந்தியாவில் விற்பனைக்கு வந்துள்ளது.

ஜாகுவார் எஃப் டைப் காரின் 3.0 லிட்டர் வி6 மாடல் ரூ.1.29 கோடி எக்ஸ்ஷோரூம் விலையிலும்,5.0 லிட்டர் வி8 மாடல் ரூ.2.15 கோடி எக்ஸ்ஷோரூம் விலையிலும் விற்பனை செய்யப்பட்டு வருகிறது.

2018-jaguar-f-type-1-view-79-photos

தற்போது புதிய 2.0 லிட்டர் இன்ஜெனியம் பெட்ரோல் எஞ்சின் மாடல் ரூ.90.93 லட்சம் எக்ஸ்ஷோரூம் விலையில் கிடைக்கிறது.

கன்வெர்ட்டிபிள் மாடல் ரூ.1.01 கோடி எக்ஸ்ஷோரூம் விலையிலும் கிடைக்கிறது.

Jaguar-F-Type-400-Sport-09-850x639

ஏற்கனவே இருந்த 3.0 லிட்டர் மற்றும் 5.0 லிட்டர் மாடல்களைவிட புதிய 2.0 லிட்டர் எஞ்சின் பொருத்தப்பட்ட மாடல் கிட்டத்தட்ட ரூ.40 லட்சம் குறைவான விலையில் வெளியாகியிருக்கிறது. இதனால், இந்த புதிய மாடல் இந்தியர்கள் மத்தியில் அதிக வரவேற்பை பெறும் என்று எதிர்பார்க்கப்படுகிறது.

Jaguar-F-Type-400-Sport-11-850x639

புதிய 2.0 லிட்டர் இன்ஜெனியம் எஞ்சின் அதிகபட்சமாக 300 பிஎஸ் பவரையும், 400 என்எம் டார்க் திறனையும் வழங்கக் கூடியது. 0 – 100 கிமீ வேகத்தை 5.7 வினாடிகளில் தொட்டுவிடும். இந்த காரில் 8 ஸ்பீடு ஆட்டோமேட்டிக் கியர்பாக்ஸ் இணைக்கப்பட்டு இருக்கிறது.

Jaguar-F-Type-400-Sport-06-850x639

மேலும், சக்திவாய்ந்த மாடல்களை ஒப்பிடும்போது புதிய 2.0 லிட்டர் எஞ்சின் கொண்ட ஜாகுவார் எஃப் டைப் காரின் எடை 52 கிலோ குறைவானதாக இருக்கிறது. இது காரின் எரிபொருள் சிக்கனம் உள்ளிட்ட பல முக்கிய விஷயங்களுக்கு சாதக அமைந்துள்ளது.

2018 எஃப் டைப் காரின் சேஸீயிலும் குறிப்பிடத்தக்க அளவு மாற்றங்கள் செய்யப்பட்டிருக்கிறது. இதனால், கையாளும் தன்மை, சொகுசு, செயல்திறன் என அனைத்திலும் மிகவும் சிறப்பான மாடலாக வந்துள்ளதாக ஜாகுவார் நிறுவனம் தெரிவிக்கிறது.

இதையும் படியுங்கள்

LEAVE A REPLY

Please enter your comment!
Please enter your name here