கர்நாடக சட்டப்பேரவையில் நடந்த நம்பிக்கை வாக்கெடுப்பில் முதல்வர் குமாரசாமி வெற்றி

0
58

கர்நாடக சட்டப்பேரவையில் மஜத தலைவர் குமாரசாமி புதன்கிழமை (மே23) முதல்வராக பதவியேற்றார். இதையடுத்து, இன்று (வெள்ளிக்கிழமை) நம்பிக்கை வாக்கெடுப்பு நடைபெறும் என்று அறிவிக்கப்பட்டிருந்தது.

கர்நாடக சட்டப்பேரவையில் நடந்த நம்பிக்கை வாக்கெடுப்பில் முதல்வர் குமாரசாமி வெற்றி பெற்றார் . 117 எம்.எல்.ஏக்கள் குமாரசாமிக்கு ஆதரவாக வாக்களித்து வெற்றி பெற செய்தனர்.

முன்னதாக இன்று சட்டப்பேரவை சபாநாயகராக காங்கிரஸ் சட்டப்பேரவை உறுப்பினர் ரமேஷ் குமார் தேர்வு செய்யப்பட்டார். இதைத் தொடர்ந்து குமாரசாமி நம்பிக்கை வாக்கெடுப்புக்கான தீரமானத்தை முன்மொழிந்து சட்டப்பேரவையில் பேசினார் . குமாரசாமி பெரும்பான்மையை நிரூபிக்க 111 சட்டப்பேரவை உறுப்பினர்களின் ஆதரவு தேவைப்பட்டது .

குமாரசாமிக்கு 78 காங்கிரஸ் உறுப்பினர்கள், 36 மஜத உறுப்பினர்கள், 1 பகுஜன் சமாஜ் உறுப்பினர் மற்றும் 2 சுயேச்சைகளின் ஆதரவு இருந்ததால் அவர் வெற்றி பெறுவார் என்று எதிர்பார்ப்பு இருந்த நிலையில் குமாரசாமி நம்பிக்கை வாக்கெடுப்பில் வெற்றி பெற்றார் .

நம்பிக்கை வாக்கெடுப்பு நடைபெறுவதற்கு சில நிமிடங்களுக்கு முன்பு பாஜக எம்.எல்.ஏ.க்கள் சட்டசபையில் இருந்து வெளிநடப்பு செய்தனர் .

கருத்துகள் இல்லை

ஒரு பதிலை விடவும்