ஐ.பி.எல் 20 ஓவர் கிரிக்கெட் போட்டி 2008 ஆம் ஆண்டு அறிமுகம் செய்யப்பட்டது.

12வது ஐ.பி.எல். டி20 போட்டிகள் வருகிற 23 ஆம் தேதி ஆரம்பிக்கிறது. இதற்கான இரண்டு வார காலத்துக்கான அட்டவணை மட்டும் வெளியிடப்பட்டுள்ளது. இந்த அட்டவணையில் வருகிற 23 ஆம் தேதி முதல் ஏப்ரல் 5 ஆம் தேதி வரை உள்ள போட்டிகளுக்கான விபரங்கள் வெளிவந்துள்ளன.

தற்போது பாராளுமன்ற தேர்தல் தேதி அறிவிக்கப்பட்டு விட்டதால் ஐ.பி.எல் முழு அட்டவணை விரைவில் அறிவிக்கப்படும் என எதிர்பார்க்கலாம்.

11 வது ஐ.பி.எல். கோப்பையை டோனி தலைமையிலான சென்னை சூப்பர் கிங்ஸ் அணி கடந்த ஆண்டு கைப்பற்றியது. இதனால் 12வது ஐ.பி.எல். போட்டியின் தொடக்க ஆட்டம் சேப்பாக்கம் எம்.ஏ. சிதம்பரம் மைதானத்தில் நடைபெறுகிறது.

23 ஆம் தேதி இரவு 8 மணிக்கு நடைபெறும் இந்த ஆட்டத்தில் சென்னை சூப்பர் கிங்ஸ்- ராயல் சேலஞ்சர்ஸ் பெங்களூர் அணிகள் மோதுகின்றன.

இந்தப் போட்டிக்கான டிக்கெட் விற்பனை இன்று(சணிக்கிழமை) தொடங்கியது.

சேப்பாக்கம் ஸ்டேடியத்தில் உள்ள தமிழ்நாடு கிரிக்கெட் சங்க கவுண்டரில் காலை 11.30 மணிக்கு டிக்கெட் விற்பனை தொடங்கியது. டிக்கெட் விற்பனை மிகவும் விறுவிறுப்பாக இருந்தது.

டிக்கெட் வாங்குவதற்காக நள்ளிரவில் இருந்தே ரசிகர்கள் ஸ்டேடியம் முன்பு திரண்டு இருந்தனர். ரசிகர்கள் நீண்ட கியூவில் நின்று குறைந்தபட்ச டிக்கெட்டின் விலையான ரூ.1,300யை வாங்கி சென்றனர். ஒருவருக்கு 2 டிக்கெட்டுகளே கொடுக்கப்பட்டது.

இதேபோல ரூ.2,500, ரூ.5,000, ரூ.6,500 விலைகளிலும் டிக்கெட்டுகள் விற்பனை செய்யப்பட்டன.

நாளை( முதல் காலை 10 மணிக்கு டிக்கெட்டுகள் விற்பனை செய்யப்படும்.

இதேபோல புக்மை ஷோ (in.bookmysho.com) என்ற இணைய தளத்திலும் டிக்கெட்டுகள் விற்பனை நடைபெறும். குறைந்த விலையான ரூ.1,300க்கான டிக்கெட்டுகள் கவுண்டரில் மட்டுமே கிடைக்கும்.

சென்னை சூப்பர் கிங்ஸ் அணி சேப்பாக்கத்தில் மோதும் மற்றப் போட்டிகளுக்கான டிக்கெட்டு விற்பனை விவரம் பின்னர் அறிவிக்கப்படும்.

சேப்பாக்கம் மைதானத்தில் 2வது போட்டி 31ஆம் தேதி நடக்கிறது. இந்தப் போட்டியில் ராஜஸ்தான் ராயல்சுடன் சென்னை சூப்பர் கிங்ஸ் மோதுகிறது.

LEAVE A REPLY

Please enter your comment!
Please enter your name here