ஹூண்டாய் மோட்டார் மற்றும் டொயோட்டா கிர்லோஸ்கர் மோட்டார் (டி.கே.எம்) ஆகியவை கொரோனா வைரஸ் பரவுவதை அடுத்து, அந்தந்த ஆலைகளில் உற்பத்தி நடவடிக்கைகளை நிறுத்தி வைப்பதாக அறிவித்துள்ளன.

ஹூண்டாய் தனது சென்னை ஆலையில் உற்பத்தியை நிறுத்த முடிவு செய்துள்ளது.அதே நேரத்தில் டி.கே.எம் கர்நாடகாவில் உள்ள தனது பிதாடி ஆலையிலும் உற்பத்தியை நிறுத்தியுள்ளது.

கொரோனா வைரஸ் பரவுவதைத் தடுக்கும் நடவடிக்கையாக நேற்று முதல் மறுஅறிவிப்பு வரும் வரை உற்பத்தி நடவடிக்கைகளை நிறுத்துவதற்கான தடுப்பு நடவடிக்கைகளை நிறுத்துவதாக ஹூண்டாய் மோட்டார் இந்தியா வெளியிட்டுள்ள அறிக்கையில் தெரிவித்துள்ளது.

ஊழியர்களின் பாதுகாப்பை கருத்தில் கொண்டு கர்நாடகாவின் பிடாடியில் உள்ள தங்களது ஆலையில் உற்பத்தியை தற்காலிகமாக நிறுத்துவதாக டி.கே.எம் நிறுவனமும் தெரிவித்துள்ளது.

புது டெல்லி, மும்பை, கொல்கத்தா மற்றும் பெங்களூரில் உள்ள கிளைகளில் பணியாற்றும் அனைத்து ஊழியர்களுக்கும் நிறுவனம் வீட்டிலிருந்து வேலைகளை செய்யவும் அந்த நிறுவனங்கள் அறிவுறுத்தியுள்ளன.

மாருதி சுசுகி இந்தியா, ஹோண்டா கார்ஸ், மஹிந்திரா & மஹிந்திரா மற்றும் ஃபியட் போன்ற பல்வேறு வாகன உற்பத்தியாளர்கள் அந்தந்த தொழிற்சாலைகளில் உற்பத்தி நடவடிக்கைகளை தற்காலிகமாக நிறுத்துவதாக அறிவித்தனர்.

இரு சக்கர வாகன உற்பத்தியாளர்களான ஹீரோ மோட்டோகார்ப், ஹோண்டா மோட்டார் சைக்கிள் மற்றும் ஸ்கூட்டர் இந்தியா மற்றும் சுசுகி மோட்டார் சைக்கிள் இந்தியா பிரைவேட் லிமிடெட் (எஸ்.எம்.ஐ.பி.எல்) ஆகியவை தங்கள் உற்பத்தி ஆலைகளில் உற்பத்தியை நிறுத்தி வைத்துள்ளன.

LEAVE A REPLY

Please enter your comment!
Please enter your name here