இறப்பதற்கு தயாராக இருக்கிறேன் ;முதல்வராக தொடர விருப்பமில்லை – மம்தா பானர்ஜி

0
1223
Mamata Banerjee

முதல்வராகத் தொடர விருப்பமில்லை என்று அவசரக் கூட்டம் தொடங்கும்போதே அறிவித்துவிட்டேன் என்று மேற்கு வங்க முதல்வர் மம்தா பானர்ஜி தெரிவித்துள்ளார்.

மேற்கு வங்கத்தில் கடும் வன்முறைகளுக்கு இடையே நடைபெற்ற 2019 மக்களவைத் தேர்தல் மற்றும் சட்டப்பேரவை இடைத்தேர்தலில் பாஜக பெரும் வெற்றியைப் பெற்றுள்ளது. கடந்த முறை 2 மக்களவைத் தொகுதிகளில் மட்டுமே வென்றிருந்த பாஜக இம்முறை 18 மக்களவைத் தொகுதிகளைக் கைப்பற்றியுள்ளது. 

திரிணமூல் காங்கிரஸ் கடந்த முறை 34 தொகுதிகளில் வென்றிருந்தது. ஆனால், இம்முறை 22 இடங்களாக சரிந்தது. அதுமட்டுமல்லாமல் 8 சட்டப்பேரவைத் தொகுதி இடைத்தேர்தலில் 4 இடங்களில் பாஜக வென்றுள்ளது. திரிணமூல் காங்கிரஸ் 3 தொகுதிகளை மட்டுமே தக்க வைத்தது. மேலும் அம்மாநிலத்தில் பாஜக-வின் வாக்கு சதவீதம் 40.25-ஆக அதிகரித்துள்ளது. 

இந்நிலையில், திரிணமூல் காங்கிரஸ் அவசரக் கூட்டத்துக்கு அக்கட்சித் தலைவரும், மேற்கு வங்க முதல்வருமான மம்தா பானர்ஜி அழைப்பு விடுத்தார். அவரது இல்லத்தில் சனிக்கிழமை மாலை நடைபெற்ற இந்த கூட்டத்துக்குப் பின்னர் செய்தியாளர்களைச் சந்தித்த மம்தா கூறியதாவது:

மிக நீண்ட தேர்தலாக இது அமைந்திருந்ததால் கடந்த 5 மாதங்களாக பணி செய்வதில் மிகப்பெரிய சிரமம் ஏற்பட்டது. மத்தியப் படைகள் அனைத்தும் எங்களுக்கு எதிராக செயல்பட்டது. அறிவிக்கப்படாத அவசர நிலை ஏற்படுத்தப்பட்டது. வாக்குகளுக்காக ஹிந்து, முஸ்லிம் இடையே பிரிவினை ஏற்படுத்தப்பட்டது.

இதுகுறித்து எல்லாம் தேர்தல் ஆணையத்திடம் புகார் அளித்தும் அவர்கள் பாஜக மீது எந்த நடவடிக்கையும் எடுக்கவில்லை. இத்தனை தடைகளைக் கடந்தும் எங்களுடைய வாக்கு சதவீதம் அதிகரித்துள்ளது. இதுபோன்ற ஆபத்தான சூழலில் எதுவும் பாவமில்லை. நாங்கள் காங்கிரஸ் போன்று அடிபணியவும் இல்லை. டெல்லி, குஜராத், ராஜஸ்தான் போன்ற மாநிலங்களில் எல்லா தொகுதிகளிலும் பாஜக எவ்வாறு வெற்றி பெற்றது. நான் நம்ப மாட்டேன். நான் இறப்பதற்கு தயாராக இருக்கிறேன்  . 

எனக்கு முதல்வராகத் தொடர விருப்பமில்லை. இதை கூட்டம் தொடங்கும்போதே கட்சியினரிடையே அறிவித்துவிட்டேன் என்றார். 

நான் காங்கிரஸ் கட்சியை போன்றவர் அல்ல. நான் யாரிடமும் சரணடைய மாட்டேன். இந்த நாடு எல்லோருக்கும் சொந்தமானது. நான் இந்து ஆனால் ஒருபோதும் முஸ்லிம்களை வெறுத்து ஒதுக்க மாட்டேன் என்றார். 

LEAVE A REPLY

Please enter your comment!
Please enter your name here