இங்கிலாந்து கிரிக்கெட் அணி இந்தியாவுக்கு சுற்றுப்பயணம் மேற்கொண்டு டெஸ்ட், டி20 மற்றும் ஒருநாள் போட்டிகள் கொண்ட தொடரில் விளையாட உள்ளது. 4 டெஸ்ட் போட்டிகள், 5 டி20 போட்டிகள், 3 ஒருநாள் போட்டிகள் நடைபெற உள்ளது.
பிப்ரவரி 5 ஆம் தேதி முதல் மார்ச் 28 ஆம் தேதி வரை இந்த கிரிக்கெட் தொடர் நடைபெறுகிறது. இந்தியா – இங்கிலாந்து இடையேயான முதல் டெஸ்ட் போட்டி பிப்ரவரி 5 ஆம் தேதி சென்னையில் நடைபெறுகிறது.
இந்நிலையில், இங்கிலாந்துடனான 4 போட்டிகள் கொண்ட டெஸ்ட் தொடரின் முதல் 2 போட்டிகளில் இடம்பெற்றுள்ள இந்திய வீரர்களின் பட்டியலை பிசிசிஐ இன்று வெளியிட்டது.
ஆஸ்திரேலிய தொடரில் விளையாடாத கேப்டன் விராட் கோலி, ஹார்திக் பாண்டியா, இஷாந்த் சர்மா ஆகியோர் இந்த அணியில் சேர்க்கப்பட்டுள்ளனர்.
கேஎல் ராகுலும் சேர்க்கப்பட்டுள்ளார். ஆனால், அவரது உடற்தகுதியைப் பொறுத்தே என்பதும் குறிப்பிடப்பட்டுள்ளது.
இதில் ஆஸ்திரேலியாவுக்கு எதிரான தொடரில் சிறப்பாக நடராஜன் பெயர் இடம்பெறவில்லை. தொடக்க ஆட்டக்காரர் பிரித்வி ஷாவும் சேர்க்கப்படவில்லை.
இங்கிலாந்துக்குஎதிரான முதல் 2 டெஸ்ட் போட்டிகளில் இடம்பெற்றுள்ள இந்திய வீரர்கள்:
விராட்கோலி (கேப்டன்), ரஹானே, ரோகித் சர்மா, சுக்மன் கில், மயங்க் அகர்வால், புஜாரா, விருத்திமான் சஹா, ஹர்திக் பாண்டியா, ரிஷிப் பண்ட், பும்ரா, இஷாந்த் சர்மா, முகமது சிராஜ், ஷர்துல் தாகூர், ரவிச்சந்திரன் அஸ்வின், குல்தீப், வாஷிங்டன் சுந்தர், அக்சர் பட்டேல், கேஎல் ராகுல் (உடல்தகுதியை பொறுத்து).
