அமெரிக்காவில்  கொரோனா வைரஸ் கோரத்தாண்டவம் ஆடி வரும் நிலையில் ‘கிராண்ட்ஸ்லாம்’ அந்தஸ்து பெற்ற அமெரிக்க ஓபன் டென்னிஸ் போட்டி நியூயார்க் நகரில் வருகிற 31 ஆம் தேதி முதல் அடுத்த மாதம் 13 ஆம் தேதி வரை நடைபெற்விருக்கிறது.

இந்த போட்டியில் இருந்து நடப்பு சாம்பியனும், 2  ஆம் நிலை வீரருமான ஸ்பெயினின் ரபெல் நடால்(34) திடீரென விலகியுள்ளார்.

Rafael-Nadal

இதுகுறித்து தனது ‘டிவிட்டர்’ பதிவில் கூறியுள்ள நடால்,  ‘உலகம் முழுவதும் கொரோனாவால் பாதிக்கப்பட்டவர்களின் எண்ணிக்கை அதிகரித்துக் கொண்டே போகிறது. நிலைமை இன்னும் கட்டுக்குள் வந்தது மாதிரி தெரியவில்லை. இதனால் நீண்ட யோசனைக்கு பிறகு விருப்பமின்றி அமெரிக்க ஓபனில் இருந்து விலகுவதாக அறிவிக்கிறேன். இந்த விஷயத்தில் எனது மனது சொல்வதை பின்பற்றி இந்த முறை அமெரிக்காவுக்கு செல்வதில்லை என்று முடிவு எடுத்திருக்கிறேன்’ என்றார்.

ஏற்கனவே 5 முறை சாம்பியனான சுவிட்சர்லாந்தின் ரோஜர் பெடரர் கால்முட்டி காயத்தில் இருந்து குணமடைய எஞ்சிய சீசன் முழுவதும் ஓய்வு எடுக்கப்போவதாக அறிவித்துள்ளார்.

ஜாம்பவான்களான பெடரரும், நடாலும் ஒரே நேரத்தில் ஒரு கிராண்ட்ஸ்லாம் போட்டியில் இல்லாமல்போவது 1999 ஆம் ஆண்டு அமெரிக்க ஓபனுக்கு பிறகு இதுவே முதல் முறை என்பது நினைவு கூரத்தக்கது.

இதற்கிடையே,  இந்திய வீரர் சுமித் நாகலுக்கு அதிர்ஷ்டம் அடித்துள்ளது. பிரபல வீரர்களின் விலகலால் அவர் தகுதி சுற்று இன்றி நேரடியாக பிரதான சுற்றில் விளையாடும் வாய்ப்பை பெற்றுள்ளார். டெல்லியில் வசிக்கும் 22 வயதான நாகல் தரவரிசையில் 127 வது இடம் வகிக்கிறார்.

i

கடந்த ஆண்டுஅமெரிக்க ஓபனில் தகுதி சுற்றுகளில் வெற்றி கண்டு அதன் மூலம் முதல் ரவுண்டில் ரோஜர்பெடரை எதிர்கொண்ட சுமித் நாகல், அதில் முதல் செட்டை கைப்பற்றி அடுத்த 3 செட்டுகளைபறிகொடுத்து தோற்றது குறிப்பிடத்தக்கது.

முன்னதாககொரோனா அச்சத்தால் ‘நம்பர் ஒன்’ வீராங்கனை ஆஷ்லி பார்ட்டி (ஆஸ்திரேலியா), முன்னாள் சாம்பியனான சுவிட்சர்லாந்து வீரர் வாவ்ரிங்கா, பிரான்சின் மான்பில்ஸ், ஆஸ்திரேலியாவின் நிக் கைர்ஜியோஸ் உள்ளிட்டோரும் அமெரிக்க ஓபனில் இருந்து பின்வாங்கி விட்டனர்.



LEAVE A REPLY

Please enter your comment!
Please enter your name here